Mae'r gyfres gyfan gan Hanna Jarman a Mari Beard ar gael ar sianel YouTube Hansh nawr!
Mae Carys, sydd ag obsesiwn â phodlediadau troseddau real, yn sengl am y tro cynta ers tyfu boobs. Mae'n 27 ac yn gorfod symud nôl i fyw gyda'i rhieni. Mae hi nôl ble'r oedd hi ddeng mlynedd yn ôl, dim job, dim cariad a dim syniad beth i neud nesa.
Mae ymweliad â ffrind sydd wedi cael babi yn codi cwestiynau mawr i Mel ynglyn â'i genedigaeth ei hun, ac ar ôl cyngor gan ambell un bydd yn cael ei harwain ar lwybr annisgwyl, sy'n codi cwestiynau mawr i Kelvin. Wrth i Sian geisio dygymod â'r syniad fod Lili'n mynd i adael gydag Erin, bydd ymddygiad Erin yn codi mwy o amheuon yn hytrach na'u lliniaru. Ac ar ôl cael ei gwahardd rhag gadael y ty gan Sophie mae Mair yn benderfynol o gynllunio i weld Ioan.
Mae hi'n ddydd Nadolig ac mae hwyl yr wyl yn ei anterth yn y caffi. Yn anffodus, nid yw pawb yn y pentref yn teimlo fel dathlu a Iestyn ar ei ben ei hun yn parhau i alaru a hiraethu am Tammy. Nid Sion Corn yw'r unig ymwelydd annisgwyl, ac mae'r trafferth a ddaw yn ei sgil yn peri gofid a chynnwrf mawr. Mae Mair a Ioan yn benderfynol o dynnu'n groes, a'r ddau'n dathlu yn eu dull hwyliog eu hunain, ond mae chwarae'n troi'n chwerw a'r ddau'n wynebu sefyllfa beryglus.
Cyfle arall i weld y ffilm gerdd i'r teulu cyfan sy'n olrhain bywyd bachgen bach 7 oed o'r enw Noa. Mae rhieni Noa yn hyfryd, ond maen nhw'n brysur tu hwnt. Mae Noa'n unig blentyn, ond dydy e ddim yn unig. Mae Noa wedi creu ffrind dychmygol drygionus o'r enw Albi, sy'n un o nifer o 'ffrindiau dychmygol' sy'n byw mewn byd arbennig iawn. Mae'r ffilm yn adrodd hanes y teulu cyffredin yma yn ystod un gaeaf hudol wrth i fywyd Noa gael ei drawsnewid. Mae'r ffilm wedi'i hysgrifennu a'i chreu gan Caryl
Cyfle i wylio cynhyrchiad Theatr Cymru o'r ddrama gomedi gan Gruffudd Owen ar y sgrin fach. Mae Lowri yn benderfynol o oroesi diwrnod priodas ei brawd, ac mae Idris yn dychwelyd i Ben Llyn ar gyfer y diwrnod mawr. Ond gyda dyfodol Lowri a'r fferm deuluol yn fregus ac Idris yn hiraethu am ei ffrind gorau, a fydd cyfrinachau'r gorffennol yn difetha diwrnod pawb' Drama gan Gruffudd Owen, wedi'i gyfarwyddo gan Steffan Donnelly ac wedi'i ffilmio yn Galeri Caernarfon.
