Ers y ras gynta yn 2011 mae Ironman Cymru yn Ninbych y Pysgod wedi ennill statws eiconig ymysg rasys triathlon y byd. Y cwrs yn cael ei ystyried ymysg y mwya heriol, y golygfeydd gyda'r mwya trawiadol a'r cefnogwyr y mwya gwallgo a swnllyd! Yma, cawn Lowri Morgan a Rhodri Gomer-Davies yn cyflwyno a Gareth Roberts yn sylwebu ar uchafbwyntiau un o brif ddigwyddiadau chwaraeon torfol Cymru.
Uchafbwyntiau pumed cymal Cyfres Triathlon Cymru a'r tro cynta i'r gyfres eleni ddod i'r gogledd. Traeth Llanddwyn a Choedwig Niwbwrch sy'n lwyfan trawiadol ar gyfer ras pellter sbrint wrth i'r frwydr i gipio coron pencampwyr 2024 boethi! Lowri Morgan a Gareth Roberts sydd yn ein tywys trwy holl gyffro'r gyfres.
Uchafbwyntiau estynedig o Gyngres UEFA wrth i Fiorentina, un o gewri'r Eidal, groesawu'r Seintau Newydd, Pencampwyr Cymru. Mae'n gêm hanesyddol wrth i glwb o Gymru gystadlu yn rownd y gynghrair yn un o brif gystadlaethau Ewrop am y tro cyntaf erioed. Yr holl gyffro yng nghwmni Dylan Ebenezer, Marc Lloyd Williams a Sion Meredith.